Bu məlumat vərəqində Baramanın Azərbaycanda konversiya aktlarına məruz qalmış LGBTİ+ şəxslərin təcrübələrini və bu təcrübələrin onların həyatlarına təsirlərini araşdırmaq məqsədilə həyata keçirilmiş sorğunun nəticələri təqdim edilir.
* Konversiya dedikdə fərdin LGBTİ+ kimliyini “sağaltmaq” və ya “müalicə etmək” cəhdləri başa düşülür.

2025-ci ilin iyul ayından 2026-cı ilin mart ayınadək olan dövrdə keçirilmiş sorğuda ümumilikdə 137 nəfər iştirak edib. Natamam olduğu üçün 8 cavab analizə daxil edilməyib.

Bu cavabların 30-u fokus qrup müzakirələri vasitəsilə toplanmış, qalan cavablar isə onlayn platformalarda elanlar və birbaşa fərdi dəvətlər vasitəsilə əldə edilmişdir.

Bu məlumat vərəqi ümumi vəziyyəti tam əks etdirməsə də, əldə olunan nəticələr Azərbaycanda konversiya aktlarının mövcudluğunu göstərir, eyni zamanda onların LGBTİ+ şəxslərin həyatına təsiri ilə bağlı əhəmiyyətli ilkin məlumatlar təqdim edir və bu aktların daha geniş şəkildə araşdırılmasına ehtiyac olduğunu vurğulayır.

Ümumi nəticələr bizə nə deyir?

1

Sorğuda iştirak edən hər 2 nəfərdən 1-i seksual oriyentasiya və ya gender kimliyini dəyişdirməyə yönəlmiş müdaxilələrə (konversiya təcrübələri) məruz qalıb.

2

Konversiya təcrübələri ilə ən çox yetkinlik yaşına çatmayanlar və gənclər üzləşib.

3

Koversiya təcrübələrinə məruz qalan hər 3 nəfərdən 2-si razılığı olmadan məcbur edilib.

4

İstisnasız olaraq hər kəs (100%) üçün bu proses ilk olaraq ailə daxilində başlayıb. Ən geniş yayılmış ailə əsaslı müdaxilələr: gündəlik həyatda gender rollarına uyğunlaşmağa və inanc əsaslı və ya tibbi müdaxilələrə məcbur edilmək, habelə azadlığın məhdudlaşdırılması, fiziki və iqtisadi zorakılıq.

5

15 nəfər ailə üzvləri tərəfindən öldürülməyə cəhd edilib.

6

Tibbi müdaxilələrə məruz qalan hər 5 nəfərdən 3-ü ya məcburi hormon terapiyasına, ya da psixiatrik dərmanların istifadəsinə məruz qalıb.

7

9 nəfər psixiatrik xəstəxanaya yerləşdirilib. Onlardan 6-sı buna məcbur edildiyini, 3-ü isə o zaman azyaşlı olması səbəbindən prosesi tam dərk etmədiyini qeyd edib.

8

Koversiya təcrübələrinə məruz qalan hər 3 nəfərdən 2-si (n=48) davamlı olaraq özünə zərər vermə və ya intihar düşüncələri yaşadığını bildirib. Bu düşüncələri yaşayanların da 31 nəfəri faktiki olaraq intihara cəhd edib.

9

Hər 10 nəfərdən 9-da konversiya təcrübələri sosial və şəxsi həyatda qalıcı izlər buraxıb. Sadəcə 7 nəfər bu növ müdaxilələrin kömək edə biləcəyinə inanır.
buradan yüklə