Bu məlumat vərəqində Baramanın Azərbaycanda LGBTİ+ şəxslərin məktəb illərində qarşılaşdıqları ayrı-seçkilik, qısnama (bullinq) və zorakılıq təcrübələrini araşdırmaq məqsədilə həyata keçirdiyi sorğunun nəticələri təqdim edilir.

2025-ci ilin avqust ayından 2026-cı ilin mart ayınadək olan dövrdə keçirilmiş sorğuda ümumilikdə 102 nəfər iştirak edib. Natamam olduğu üçün 8 cavab analizə daxil edilməyib. Bu cavabların 30-u fokus qrup müzakirələri vasitəsilə toplanmış, qalan cavablar isə onlayn platformalarda elanlar və birbaşa fərdi dəvətlər vasitəsilə əldə edilmişdir.

Bu məlumat vərəqi ümumi vəziyyəti tam əks etdirməsə də, əldə olunan nəticələr bu mövzunun daha geniş şəkildə araşdırılmasına ehtiyac olduğunu vurğulayır.

Ümumi nəticələr bizə nə deyir?

1

Sorğuda iştirak edən hər 3 nəfərdən 1-i məktəb dövründə LGBTİ+ kimliyi səbəbindən qısnama, ayrı-seçkilik və ya fiziki zorakılıqla üzləşib. Bu təcrübələrə məruz qalanların əksəriyyətini geylər və trans fərdlər təşkil edir.

2

İstisnasız olaraq hamı sözlü qısnamaya (təhqir, alçaldıcı ifadələr, stereotiplər), hər 3 nəfərdən 2-si təcrid olunmaya, hər 1 nəfəri isə fiziki zorakılığa məruz qalıb.

3

Hər 10 nəfərdən 7-si bu təcrübələrə mütəmadi olaraq məruz qalıb.

4

Sözlü qısnama və ya fiziki zorakılıq törədənlər arasında ilk yerdə sinif və ya digər məktəb şagirdləri gəlir.

5

Hər 2 nəfərdən 1-i müəllimlər və ya məktəb işçiləri tərəfindən ayrı-seçkilik və təzyiqlərlə üzləşib.

6

Zorakılığa qarşı aktiv müdaxilə edən müəllimlər isə cəmi 3 nəfər olub.

7

Hər 3 nəfərdən 2-si heç bir dəstək axtarmayıb.

8

Mütləq əksəriyyət davamlı olaraq təşfiş, depressiya və stress içində olduğunu, o cümlədən qəzəb və dəyərsizlik hissi keçirdiyini bildirib.

9

Hər 5 nəfərdən 3-ü zorakılıq və qorxu mühiti ucbatından dərslərinə fokuslana bilmədiyi üçün qiymətlərinin düşdüyünü, digərləri isə məktəbə getmək istəmədiklərini və tez-tez dərslərdən yayındıqlarını bildirib.

10

7 nəfər məktəbi dəyişdirmək, 3 nəfər isə təhsilini müəyyən müddət dayandırmaq məcburiyyətində olub.

11

Sorğuda iştirak edən hər 10 nəfərdən 9-u təhlükəsiz təhsil mühitinin yaradılması üçün ilk növbədə məktəb heyətinin qısnama, zorakılıq və inklüzivlik mövzusunda həssaslığının artırılmasını, hər 8 nəfəri isə effektiv şikayət və psixoloji dəstək mexanizmlərinin yaradılmasını vacib hesab edir.
buradan yüklə